શું લખું?

૨૭ જુલાઈ એ ઊર્મિબેને  સહિયારું સર્જન પર વર્કશોપ માટે “શું લખું ?” વિષય લઈને કંઈક લખવાનું આમંત્રણ આપ્યું હતું …

બસ, એના માટે કંઈક મેં પણ લખી નાંખ્યું … આડું-તેડુ જેવું લખાયું તેવું..

ન લખ્યું લખવાટાણે, આ અ-ટાણે શું લખું?
ન જીવાયું જીવવાટાણે, આ શ્વાસે શું લખું?

જેના નામે ભવ તરું, એના નામે શું લખું ?
જેના નામે નભ નભે, નામ એનું શું લખું ?

યાદ એને કોણ કરે? એની યાદ શું લખું ?
આ લખ્યું મારે માટે, એને માટે શું લખું ?

પળ આવી પળ ગઈ, પળ માટે શું લખું ?
જે થયું દરમિયાનમાં, એના માટે શું લખું ?

વહ્યા’તા, હવે સુકાયા, સ્વ. અશ્રુ શું લખું ?
તું જ કારણ બંનેનું, બોલ, કારણ શું લખું ?

શબ્દો કહે બહુ થયું, વધું હવે તો શું લખું ?
ઓ મનડાં, જીદ છોડ, બહુ થયું, શું લખું ?

- કુણાલ