મારા વિશે….

   

નામ: કુણાલ
[Name: Kunal ]  

મુકામ: હૈદરાબાદ, આંધ્રપ્રદેશ.
[Location: Hyderabad, AP, India]

સંપર્ક [Contact]: jivanpushp [at] gmail [dot] com

[મારા વિશે થોડી વધુ માહિતી...]
     

 

એક સોફટ્વેર એન્જીનીયર … જેની માતૃભાષા પ્રત્યેની લાગણી,જે સ્વાભાવિકપણે દરેકને જ હોય, અને સાથે ઈન્ટરનેટ / બ્લોગીંગ અંગેની જાણકારીએ આ બ્લોગને દેહ આપ્યો .. બાળપણથી વાંચનનો અને વાંચેલું વહેંચવાનો શોખ રહ્યો છે… શાળાજીવનના અંતિમ વર્ષોમાં સાહિત્ય પ્રત્યે વળગણ લાગ્યું .. અને ટકી પણ ગયું !! એ જ ખરું જોતા તો ઈન્ટરનેટ પર આવી આ માધ્યમને અપનાવવાનું કારણ છે .. સમય મળે અને મન થાય ત્યારે અસ્તવ્ય્સ્ત વિચારોને શબ્દોરૂપી દેહ આપવાની કોશીશ કરું છું…

આ “જીવનપુષ્પ” એક નાની કોશીશ છે માતૃભૂમિ અને માતૃભાષા સાથેના ઋણાનુબંધને પોષવાની .. જાળવી રાખવાની .. સમયે આપેલા ખાટા-મીઠા અનુભવોને વહેંચવાની … અને વધુ નવા અનુભવો મેળવવાની .. નવુ કંઈક શીખવાની … પ્રેમ વહેંચવાની … અને સાથે એક પુષ્પ જેવી કુમાશ અને ભીનાશ ટકાવી રાખવાની જે દરેકને તાજગી અને હુંફ આપે … આશા રાખું કે આમાંથી થોડા-ઘણા અંશે પણ સફળ થાઉં …


મારું વતન દક્ષિણ ગુજરાતના શહેર વલસાડની પાસે વસેલું એક ગામ – ખેરગામ, …પિતાના વ્યવસાય અર્થે નવસારી માં સ્થાયી થયાં અને હવે હું મારા વ્યવસાય અર્થે ગુર્જરભુમિથી દુર આવી ને વસ્યો છું, હૈદરાબાદમાં. આ પહેલા દોઢ વર્ષ જેટલો સમય ગુરગાંવમાં રહ્યો. એ દરમિયાન ૩ મહિના સિડની, ઓસ્ટ્રેલિયામાં વ્યવસાયાર્થે રહ્યો. તે અગાઉ પૂણેમાં ૭ મહિના રહીને કારકિર્દીની શરુઆત કરી. વ્યવસાયલક્ષી અને જીવનલક્ષી બન્ને, ભણતર અને ગણતર, મેળવ્યા ખેરગામ, વલસાડ, અને નવસારીની શાળાઓમાં… અને ત્યાર પછી નડીયાદ અને બારડોલીની કોલેજીઝમાં …

સમયના અભાવે સમયાંતરે blog ને update ના પણ કરી શકું , પણ કંઈક મારી કૃતિઓ, મને ગમતી ગ઼ઝ઼લો-ગીતો, ગમેલા લેખો કે એમનો અનુવાદ મારા શબ્દોમાં, અને બીજી વિગતો હું નિયમિત post કરતો રહીશ…..

 

આભાર સહ,

કુણાલ