આઈઆઈટી હવે ગુજરાતમાં…

 

 

 

 

આજના દિવ્યભાસ્કરમાં ગુજરાતના શૈક્ષણિક-જગતને લગતા એક ખરેખર શુભ-સમાચાર જોયા … અને થયું કે ગુજરાતી બ્લોગ-જગતને તો એની જાણ થવી જ જોઇએ અને એના ઈતિહાસમાં આ સમાચારને સ્થાન મળે એવું કંઈક કરીએ .. (!!!) એટલે અહીં મૂકી દેવાનું મન થયું …

યોજના કંઈક એવી હતી કે અમદાવાદ-ગાંધીનગર ના નોલેજ કોરીડોરમાં IIT બને પણ જ્યાં સુધી ત્યાં તૈયારી પૂર્ણ થાય ત્યાં સુધી ચાંદખેડાની વિશ્વકર્મા ઇજનેરી કોલેજના સંકુલમાં શરુ કરવામાં આવશે …

મને જ્યાં સુધી ખબર છે ત્યાં સુધી આઈઆઈટીમાં ગુજરાતી વિદ્યાર્થીઓનું પ્રમાણ અન્ય રાજ્યોના વિદ્યાર્થીઓની સરખામણીમાં ઘણું જ ઓછું રહ્યું છે … કારણ એ જ કે આપણને જેમ બને તેમ જલ્દી પૈસા બનવા માંડે અને લગન કરીને “સેટલ” થઈ જવામાં વધારે રસ છે … … રીસર્ચ-ફિસર્ચ જેવા નકામા કામો આપણે થોડા કરવાના હોય !! ૫-૭ વર્ષો સુધી બી-ટેક કે એમ-ટેક કોણ કરે !! …

જો કે મારી વાત કરું તો મેં તો ઈજનેરી પણ નથી કરી કારણ કે એના માટે પહેલી જરૂરીયાત એ હોય છે કે વિજ્ઞાન-પ્રવાહમાં ૧૨મું ધોરણ પાસ કરવું પડે … જે મેં કોમર્સ લઈને કરેલું … !! … એટલે બની શકે કે ઉપરની કમેન્ટ મારા મોઢે જરા વધારે પડતી થઈ ગઈ હોય !! .. પણ આ તો એક general વાત … …

ચલો તો હવે આશા રાખીએ કે આપણને એક આઈઆઈટી મળી છે તો કમ સે કમ ત્યાં તો  ગુજરાતી વિદ્યાર્થીઓ વધારે પ્રમાણમાં જોવા મળે …

Filed under: Abstract, ગુજરાતી , -ગુજરાત-, -શૈક્ષણિક-, -સમાચાર-, -educational-, -gujarat-, -news about gujarat-

પપ્પા મારે સાયન્સ લેવું છે….

“પપ્પા, ૮૫ % આવ્યા …. હા…. ધારેલા એના કરતાં ઓછા છે.. પણ સારાં છે… ” એક કોડીલો દીકરો પપ્પા ને પોતાનું SSC નું રીઝલ્ટ જણાવતા રાજી થાય છે…. વિચારે છે..હવે સાયન્સ લેવામાં કોઇ વાંધો નથી….. આ બાજુ પપ્પાનું મન આવતાં ૨ વર્ષ માટ સાયન્સ ભણાવવા માટ, અને ત્યાર પછી એન્જિનીયરીંગ કે મેડીકલ ભણાવવા માટે જોઈતા પૈસાના પર્વતની ઊંચાઈ કેટલી થશે તેની ગણતરી કરવામાં લાગી જાય છે…”હે પ્રભુ, મર્યાદીત આવકમાં ૪ જણાનું કુટુંબ ચલાવવું અને હવે ટ્યુશન, અને દુર સુધી ટ્યુશન જવા માટે scooty, પેટ્રોલ, …………………. એક પછી એક ખર્ચાઓ નું લિસ્ટ નજર સામે આવવા માંડ્યું, શું થશે??”………..

આ પરિસ્થિતી આજે ગુજરાતનાં દરેક નાના-મોટા શહેરની છે… દરેક મધ્યમ વર્ગીય પપ્પાઓ ને બાળકનું SSC નું રીઝલ્ટ સારું આવ્યુ એના આનંદ કરતાં હવે પછી આવનારા વિકટ સંજોગોની ચિંતા વધુ સતાવે છે…… કટાક્ષ તો છે.. પણ એક કડવું સત્ય પણ છે…

વાંક કોનો છે?? વધતી જતી હરીફાઈનો?? ઘેટાંવાળી આંધળી દોટ મુકવાની ટેવનો?? આપણી શિક્ષણ પધ્ધતિનો?? કે બાળ-માનસ પર કસમયે અને પોતાની અભિરુચી પારખી શકવાની પૂરતી ક્ષમતા આવે તે પહેલાં જ પોતાની કારકીર્દી પસંદ કરવા પર મજબુર કરતો સમય….. ??? કોણ છે જવાબદાર???

કદાચ આપણે સૌએ વિચારવાની જરુર છે…

આ બધી ભેગી પરિસ્થિતી નો ક્રુર લાભ લેતાં ટ્યુશન વાળાઓ [ માફી ચાહું છું જો કોઇ વાચક આ ગણમાં આવતો હોય તો..પણ મને સત્ય બોલવામાં કોઇ ખચકાટ નથી થતો... ], શૈક્ષણિક સંસ્થાઓ, અને finally વિદ્યાર્થી જ્યારે જેમતેમ ૧૨ સાયન્સમાં ઉત્તીર્ણ થાય ત્યાર બાદ ખર્ચાઓ નો ડુંગર ખડકી દેતી technical institutes એ બધાનો શું કોઇ વિકલ્પ નથી???

વિકલ્પ છે… અને તે એ કે પૂરતું માર્ગદર્શન આપવામાં આવે, વાલીઓ અને વિદ્યાર્થી બન્ને ને…. available courses, જેના માટે સાયન્સ માત્ર જ એક વિકલ્પ નથી…. ઘણા બીજા કોર્સીસ છે, જેમાં ૧૨ કોમર્સ અને આર્ટસ પછી જોડાઈને ઘણી સારી કારકીર્દી ઘડી શકાય એમ છે….. જરુર છે તો ફક્ત એ કે passed out students કે જેઓ ઈશ્વર કૃપાએ [ ] કે આપબળે સારું ભણી ગયા તેઓ પોત-પોતાની શાળાઓ માં નિયમિત સમયાંતરે જઈ ને guidance આપે….. મારા જાતઅનુભવે મેં જોયું છે કે પુરતાં માર્ગદર્શનના અભાવે ઘણા તેજસ્વી વિદ્યાર્થીઓ, શહેર તથા ગામડાંઓ બન્નેમાં, deserving તક ગુમાવે છે….. જરુર છે તો ફક્ત થોડો સમય ફાળવવાની…. અને તમારી અથવા આજુબાજું ના ગામડાઓની શાળાઓ માં જઈ ને બાળકો સાથે વાતચીત કરવાની…. મેં જોયું છે કે ગામડાઓમાં બિચારાં માતા-પિતા ભણેલાં ન હોવાના લીધે પૂરતું માર્ગદર્શન આપી નથી શકતાં…..

બીજાં કોઇ સુધારાની અપેક્ષા રાખવાની સાથે આવો પ્રયત્ન જો કરવામાં આવે તો???

Filed under: Abstract, ગુજરાતી, મારી કૃતિઓ , -10th class-, -દસમું ધોરણ-, -મગજનું દહીં-, -માર્ગદર્શન-, -શૈક્ષણિક-, -educational-, -guidance-