Image by meanestindian
આ પોસ્ટ પબ્લિશ થશે ત્યાં સુધીમાં તો અડધી ઉત્તરાયણ પૂરી થઈ ચૂકી હશે ભારતમાં … પણ કામમાં વ્યસ્ત હોવા છતાં આજના દિવસે ખુબ જ ચટપટી થઈ તો રહેવાયુ નહિ !!! 
બધાને મકર સંક્રાંતિની ખુબ ખુબ શુભેચ્છાઓ … ઈશ્વરને પ્રાર્થના કે આપણા બધાની પ્રગતિ ઊંચે ઉડતા પતંગની જેમ ઉર્ધ્વ ગતિ પ્રાપ્ત કરે … અને ખુબ ઝડપથી …
સતત છેલ્લાં ૩ વર્ષોથી ઉત્તરાયણ વખતે ગુજરાતથી બહાર રહેવાનું થયે રાખ્યું છે … ૨૦૦૬ માં પૂણે હતો અને ઓફીસમાંથી રજા નો’તી મળી … ૨૦૦૭ માં ગુરગાંવ હતો અને રજા નો’તી મળી … હવે, ૨૦૦૮ માં અહિં સિડની આવી ને પડ્યો છું અને આ બધા બગ સોલ્વ કરું છું …અને રજા લેવાના પણ કોઇ ચાન્સ નથી … … ખબર નહિ આવતા વર્ષે ક્યાં હોઈશ …
પણ અહિં બેઠો બેઠો જુના દિવસો યાદ કરે રાખુ છું … નવસારીની મારા ઘરની અગાશી, મારા માસીના ઘરની અગાશી, મારા ફોઈના ઘરની અગાશી અને મારા ખાસમખાસ મિત્ર જયદિપના ઘરની અગાશી… આ ૪ ઘરોની અગાશીઓ મારી અત્યાર સુધીની ઉત્તરાયણોની સાક્ષી છે .. !!!
અને પતંગ તો ઠીક છે … છેલ્લા ૨ વર્ષોથી તલના લાડુ કે ચિક્કી પણ હાથ નથી લાગ્યા !!! પૂણેમાં તો આખી ઓફીસમાં મરાઠી ભાઈ-બહેનો હતા તો “तिल गुड घ्या आणी गोड गोड बोला” એમ કરીને ઘણા-ઘણા લાડુ અને ચિક્કી ખવડાવ્યા હતાં … જોકે આ વખતે તો મમ્મી ને કહી જ રાખ્યું છે કે ફેબ્રુઆરીમાં ઘરે આવું તો ભલે બીજું કંઈ નહિ હોય તો ચાલશે પણ આ તો ખાસ ખવડાવવુ પડશે .. !!! 
ભલે, આજે પતંગ ચગાવવા નથી મળતા તો કંઈ નહિ પણ એ દિવસોની યાદો તો સાથે છે જ … અને રહેશે … તો ચાલો ફરી એ દિવસોની યાદો સાથે બગ્સને સોલ્વ કરવા મંડી પડીએ .. નહિ તો મેનેજર મને જ પતંગ બનાવીને ઉડાડશે !!
Filed under: Abstract, ગુજરાતી, મારી કૃતિઓ , -ઉત્તરાયણ-, -પતંગ-, -મગજનું દહીં-, -સિડની-, -patang-, -sydney-, -uttarayan-
મારા del.icio.us બુકમાર્ક્સ જુઓ.
જીવન પુષ્પ...ની RSS Feeds મેળવો.
નવી પોસ્ટ વિશે મફત SMS મેળવો.
જીવન પુષ્પ...ને 
માં ઉમેરો.
મારો ફોટો બ્લોગ જુઓ.
પાંખડીઓ પરના ઝાકળબિંદુઓ…